الكوسه بالبشاميل

المقادير
كيلو كوسه مقشره و مقطعه حلقات مدوره وبعدين 
بصله مفرومه ناعم و 4 فصوص توم مفرومين كويس
زعتر ناشف و نعناع ناشفوأي أعشاب أخرى تفضليها 
2 مكعب ماجي
جبن موتزاريلا 

مكونات البشاميل :1 مكعب ماجي +3 ملاعق دقيق+3 ملاعق زبده +3 كوب لبن.

الطريقه
نضع زبده مع زيت في الطاسه تم نشوح البصل عليها  و التوم لحد ما يصفروا خالص
ثم نضع 2مكعب ماجي و الزعتر و النعناع وبعدين أي أعشاب أخرى تفضلينها

ثم نضع حلقات الكوسه و تترك على النار لحد ما تبقى سوتيه كده و دبلت    

المهم ماتقلبهاش كتير عشان ماتجبش ميتها.

قرب السواء نضع الملح و الفلفل.

البشاميل:

نضع الزبده على النار و معاها مكعب الماجي لحد ما يسيح ثم نضع الدقيق و يقلب سريعا سريعا عشان مايكلكعش بمضرب البيض اليدوي

ثم نضع اللبن تدريجيا و نقلب برضه كويس و بعد ما نحط كل اللبن نسيبه على النار لحد ما يعمل البشاميل السمك اللي إنتي عوزاه و كل ما تقلبيه أكتر كل ما يكون سميك أكتر. ثم نضع الملح و الفلفل.

بس المهم هنا في الوصفه دي البشاميل يكون خفيف شويه عشان الكوسه تتشرب منه

ثم نرص كل الكوسه في صينيه و من فوقها كل البشاميل و على الوش نرش جبنه موتزاريلا.

ثم نضع الصينيه في الفرن تقريبا مدة ساعه إلا ربع على درجة حراره 190 أو 200.

و بالهنا و الشفا